Presentación:
Este programa está organizado pola Área de Normalización
Lingüística da Universidade de Vigo co obxectivo de
facilitar a integración lingüística e cultural
do alumnado foráneo.
O galego é a lingua propia da Universidade de Vigo, e esta porá todos os medios para asegurar a utilización efectiva da lingua en todas as súas actividades. Con este programa queremos conseguir que os estudantes que nos visitan coñezan a realidade histórica, social e sociolingüística
de Galicia.
lingua: Nesta sección poderá atopar información sobre a lingua galega: a súa historia, a descrición lingüística, a situación sociolingüística actual, etc. Desde aquí poderá consultar temas sobre a historia social da lingua galega e sobre a descrición da lingua. Ademais atopará unha serie de axudas para completar a súa visita: esquemas, imaxes de lugares e persoeiros, así como algunha actividade interactiva que facilite o proceso de aprendizaxe.
historia: Breve percorrido pola historia de Galicia e polas manifestacións culturais propias do noso país. Desde esta sección poderá acceder a contidos sobre diferentes épocas históricas que influiron determinantemente na consolidación de Galicia. Ofrecemos tamén documentos orixinais para ilustrar cada período.
aprender: Aprender galego. Selección de recursos bibliográficos e electrónicos para comezar a aprendizaxe da lingua galega e para avanzar no coñecemento
da realidade sociocultural de Galicia.
- Recursos electrónicos para aprender galego:
selección de materiais dispoñibles electronicamente (CD-ROM, materiais en liña,
etc.) para aprender a lingua galega.
- Recursos bibliográficos: selección de materiais textuais que poden ser solicitados na Área de Normalización Lingüística.
- Aprender galego na Universidade de Vigo: información
sobre actividades formativas e culturais organizadas na Universidade
de Vigo.
- Guía de conversa universitaria: pequena guía
para moverse na Universidade [en preparación].
:: CRÉDITOS ::